Македонскиот вице првак Металург доби голем удар откако една од неговите најголеми ѕвезди Наумче Мојсовски се повреди и ќе биде надвор од теренот најмалку шест месеци. Тој нема да игра на ЕП 2014 во Данска и во остатокот од сезоната за Металург во настапите во Лигата на шампионите и СЕХА лигата.

На последниот годинава, во градското дерби против Вардар во СЕХА лигата, Мојсовски ги скина предните вкрстени лигаменти и страничните менискуски на деснотоколено, и со сигурност ќе биде отсутен најмалку шест месеци.
Големата победа на Металург остана во сенка на повредата на коленото на Наумче Мојсосвски во 51 минута. Бекот на Металург падна на подот. Со голема болка и гримаса на лицето беше изнесен од соиграчите на раце од теренот, а подоцна и в болница на дополнителни испитувања.
"Мојсовски е тип на играч каков што тешко ќе можеме да најдеме вомоментов, од она што е останато како слободни играчи на пазарот. Ќе видиме дали може да најдеме некое решение, изјави Ристо Чокрев, претседателот на Металург.
Бекот на репрезентацијата на Македонија за неколку дена треба да замине на операција во Виена.
"Оваа повреда доаѓа во најнезгоден момент, кога РФМ и Мојсовски се целосно фокусирани на ЕП во Данска, и во сабота требаше да почнат подготовките, изјави доктор Никола Панчевски, директорот на македонската национална репрезентација.
Металург мометно е на 4 место на табелата во СЕХА лигата со 22 бода, четири повеќе од Мешков Брест. Македонскиот тим има и еден меч повеќе одиграно