По серијата од три порази по ред, Металург конечно победи, 29-27, иако Војводина беше достоен противник до самиот крај на натпреварот. Гостите од Србија имаа шанса по вторпат од Скопје да се вратат со три бода, но во завршницата од натпреварот немаа сили и концентрација да ги реализираат шансите, а Металург знаеше во таква завршница да излезе како победник.

Металург ја прекина серијата од три порази по ред. Иако без помошта на Вугринец и Атман, македонскиот тим успеа да победи, и со новите бодови да ги задржа минималните шанси за пласман на Ф4 турнирот во Нови Сад, за што неопходен ќе му биде најпрвин триумф над Брест Мешков в недела, а потоа и поклопување на резултатите во последните неколку кола.

Гостите од Нови Сад во текот на целиот натпревар имаа активен резултат, и не се предаваа, заканувајќи се дека можат да направат нови изненадување.

Во клучните моменти Златко Мојсоски погоди од крило, а веднаш потоа Никола Митревски веднаш по влегувањето во игра имаше клучна интервенција. Кеџо не реализираше обид, веднаш потоа Војводина намали на 28-27, но Лука Циндриќ постигна погодок кога беше најпотребно, решавајќи го прашањето на победникот на овој натпревар.

До крајот на регуларниот дел од сезоната, Металург има два тешки натпревари, прво со Мешков во Скопје, а потоа гостува во Словачка кај Татран. Потребни се две победи, но и чекање на резултатите на другите ривали, Вардар и Мешков.

Лино Червар - тренер на Металург

"Оваа победа ни беше важна и потребна за враќање на победничкиот дух во екипата. Долго време бевме на пат, кај играчите се чувствува замор, а ни недостасуваат И тренинзи, затоа што е тоа е нашата база. Мораме да мислиме на Колдинг со кого наскоро се среќаваме во Лигата на шампионите

Вуко Борозан - играч на Металург

Задоволство ми беше што можев денеска да играм пред скопската публика. Одгравме тежок натпревар, задоволен сум што успеавме да победиме и очекувам да продолжиме во ист ритам".

 Ѓорѓе Чирковиќ - тренер на Војводина

Ќе бидам краток. Веќе два месеци сум во клубот и ова ни беше прв пат да врземе серија од три победи, игравме со силни противници и почна да не стигнува уморот.

Данимир Чурковиќ - играч на Војводина

Веќе десетина дена сме на пат и уморот почна да не стигнува. Но, мислам дека вечерва одигравме добар натпревар и малку ни недостигаше да освоиме бод. Мислам дека во клучните моменти недостигаа голмански одбрани. Да имавме барем две одбрани во тие моменти од голманите, мислам дека ќе освоевме бод.