Во првата сезона во СЕХА Газпром лигата екипата на Макс Струмица влезе во надеж дека барем на некои домашни натпревари ќе може да освои бодови, и да победи. Но, тоа не се случи, особено не победа, кој се уште ја посакуваат. За тоа остварување македонскиот вице-првак има уште една, последна шанса утре, сабота кога пред домашна публика го пречекува тимот на Нексе.

На првиот меѓусебен дуел одигран во Хрватска, Нексе победи со 23-17. Сегашниот  натпреварот нема ништо да смени на табелата. Нексе останува на шестото место, а Макс Струмица ќе биде последна. Тие освоија само два бода досега на два домашни натпревари.

Домашните пред три дена одиграа натпревар против МВМ Веспрем, што го загубија но не се предадоа лесно. Тоа им е надеж за уште едно добро претставување и конечно да се израдуваат на победа во нивниот премиерен настап во СЕХА Газпром лигата. Со оглед на тоа што имаат помали шанси да бидат второпласирани во домашното првенство, ова по се изгледа ќе биде нивни последен настап во регионалното натпреварување.

Ванчо Трендафилов - тренер на Макс Струмица

Со играчите ќе дадеме максимум и ако може да го изненадиме противникот и барем со една победа да го завршиме настапот во ова натпреварување. Ако противникот е подобар ќе му пружиме рака и ќе му честитаме. Нашата цел сепак е добар настап во домашниот плеј-оф каде целта ни е да го освоиме 3-то или 4-то место за в година струмичани повторно да гледаат европски ракомет

Златко Везенковски - играч на Макс Струмица

Нексе е млада екипа, желна за докажување. Ние одигравме еден натпревар со нив, и можам да кажам дека не се непобедливи. До 52 минута ние се држевме на тој натпревар. Се надевам дека со една добра игра ние ќе победиме и ќе им докажеме на сите дека досегашните резултатите не беа реални, туку дека се случуваа од други работи и затоа желни сме за таа победа.

Зденко Корди - тренер на Нексе

"Ќе стигнеме во Струмица по 14 часовно возење со автобус. Тоа ќе биде наш последен натпревар во СЕХА Газпром лигата и наша желба е исто како и на секој досегашен меч да победиме. Имаме одредени проблеми со вируси, па Ненандиќ и Нуиќ сигурно нема да играат, а слични проблеми имаат и Јурјевиќ, а Божиќ-Павлетиќ останува на рехабилитација и се уште не е подготвен за настап.

Перица Лелиќ - играч на Нексе

"Се е веќе познато. Ќе ја завршиме сезоната на шесто место и затоа во Струмица сакаме да прикажеме што подобар натпревар и на крај да победиме. Имаме сигурно подобра екипа, но тоа треба и да го докажеме.