По една година пауза Татран повторно ќе игра против Металург во Скопје во рамките од СЕХА Газпром лигата. Домашниот тим се надева дека во недела (СЦ "Борис Трајковски" 20,30) конечно ќе ја прекине лошата серија без освоен бод оваа сезона. На нивните последни натпревари, Металург беше поразен од Мешков, а Татран доаѓа во Скопје по гостински триумф над Нексе во Нашице.
Во нивните последни два натпревари во сезоната 2014/2015, Татран двапати славеше во СЕХА Газпром лигата. Двата тима досега меѓусебе одиграле седум натпревари, а н а четири славел Металург, а Татран на еден помалку.

Металург беше блиску до два сензационални резултати, но двапати примија гол во последната минута и ги загубија натпреварите против Вардар и Мешков. Дури и на бранителот на титулата Телеком Веспрем му требаше дополнителен напор и среќа за да го победи Металург во Скопје.

Домашниот тим има проблеми со повредите на Драгаш, Младеновиќ и Велковски, чие играње е неизвесно.

Лино Червар - тренер на Металург
Татран е најсилната екипа во Словачка, екипа која што има исклучително силна бековска линија во нападот, а ние мора да обрнеме повеќе внимание на транзицијата, елемент од играта во кој што мора да постигнуваме повеќе голови. Ме радува податокот што полека ги стигаме ривалите, во формата, не сме кој знае каква силна екипа и не треба да летаме во облаци, но полека го добиваме вистинскиот изглед.
Имаме тројца повредени играчи од првата постава, Драгаш, Младеновиќ и Велковски, но в недела ќе истрчаме со тоа што го имаме на располагање. Ја повикувам публиката да дојде во што поголем број и да ги бодри овие млади момчиња, оваа млада екипа и овој клуб кој што има сизифовска задача, да создава ракометари.

Жарко Пешевски - играч на Металург
Металург одигра три тешки натпревари против три силни екипи, но во ниту еден момент не се предаде. Напротив, на сите тие три меча одигравме над нашите можности. Не очекува уште еден натпревар на домашен терен, повторно против фаворизирана екипа, Татран Прешов. Подготвени сме, сконцентрирани и мислам дека ќе одиграме повторно на високо ниво и дека ќе победиме.

Растислав Тртик - тренер на Татран
Металург постигна добри резултати против фаворитите во СЕХА Газпром лигата. Во овие изедначени натпревари загубија од Вардар и од Металург со еден гол, а беа поразени од Веспрем со три гол. Ќе гостуваме во турбулентна атмосфера на теренот на Металург. Ќе се спротивставиме на силен ривал. Ние игравме еден по друг натпревар во три различни натпреварувања, што е многу тешко. Недостаток е што кулминира заморот нај играчите. Предност е дека се повеќе се воигруваат, што се гледа на теренот. Посакувам да ја повториме нашата одлична форма од Нашице - во одбрана и во напад. Верувам дека ќе успееме да имаме причина да бидеме задоволни по натпреварот. 

Јакуб Хрстка - играч на Татран
Не сме ги гледале натпреварите на Металург сезонава. Но, со оглед на резултатите што ги постигнаа досега, тие се добар тим и ќе биде многу непријатно да се игра особено на нивниот домашен терен. Ние сега треба да се одмориме и темелно да се подготвиме за Металург. Во Скопје сакаме да прикажеме барем истите перформанси како во Нашице.