Ракометарите на Вардар на двонеделна пауза во СЕХА ГСС лигата заминува со со исполнета цел, осум натпревари без пораз. Во натпревар од 8 коло на СЕХА ГСС лигата, Вардар пред домашна публика го победи Татран Прешов со 32-26 (18-12) остварувајќи го четвртиот триумф по ред во Регионалното натпреварување. Татран ја прекина серијата од 12 победи по ред што ја имаа во СЕХА ГСС лигата и во првенството на Словачка.

Ова беше прва победа за Вардар на домашен терен против Татран по три сезони, откако претходните две години Словаците двапати победуваа во Скопје. Со новите бодови, Вардар остана на второто место на табелата во СЕХА ГСС лигата со 21 бод, исто колку и Веспрем. Татран е третопласиран со 12 бода, кој има три порази сезонава.

Се беше решено уште во првото полувреме кога домаќините имаа водство од 18-12, покажувајќи за супериорноста во однос на првакот од Словачка. Тренерот Раул Гонзалез реши да игра со најсилниот состав, и токму тоа беше причината поради која "црвено-црните" уште од почетокот на натпреварот "притиснаа" и после 7 минути веќе имаше водство од 5-0. Таа предност остана во текот на целиот натпревар, а највисоката предност Вардар ја имаше во 40 минута кога беше 25-16. 

Одличната игра на Вардар во првото полувреме се гледа ипо реализацијата од 18/26, и 10-те одбрани на Арпад Штербик. Гостите немаа решение на одличната одбрана на Вардар, и успеаја само да намалат на неколку гола негатива во второто полувреме. Какошто Арпад Штербик бранеше одлично во првото, така продолжи Петар Ангелов во второто полувреме, со 7 одбрани од 15 упатени топки.

Во дуелот на двајцата голгетери, овојпат подобар беше Тимур Дибиров со 10 гола од 1 1обиди, и само едно промашување од пенал. Даинис Кростопанс имаше реализација 8/12.

Во ноември, Вардар ќе игра само еден натпревар, на гости против Мешков во Белорусија. Татран има закажано два натпревари, прво на гости против Војводина (8.11.), а потоа е домаќин на Раднички (15.11).

Петер Давид - тренер на Татран

Заслужена победа на Вардар. Имавме голем респект кон противникот, можеби и поголем отколку што треба. Вардар е сепак тим што игра во ЛШ. Мораме повеќе да тренираме, да работиме, за да можеме да напрвиме некој резултат во иднина, и да се вратиме свежи за да можеме да играме подобро на следните натпревари.

Лукаш Урбан - играч на Татран

На почеток Вардар поведе со 6 гола, и тоа беше решавачко. Штета што тоа се случи, инаку ќе беше интересен натпревар. Го разбранивме Штербик, што беше решавачко, а против Вардар особено со тие 6 гола предност беше тешко да се игра.

Раул Гонзалез - тренер на Вардар

Задоволни сме од играта, беше важно да победиме и да освоиме бодови. Сега сме втори на табелата, а тие се трети, но има голема разлика во бодови. Почнавме со добра одбрана, голманите добро играа, и Штербик и Ангелов, и имавме доста контри, и во тие први 15 минути бевме одлични. Се плашевме малку од ривалот зашто имаат добри шутери. За нас не беше лесно да играме во низа вака тешки натпревари. Сега следува пауза, и дел од играчите ќе играат за своите репрезентации.

Алем Тоскиќ - играч на Вардар

Одигравме како што треба, особено во одбрана, и Арпад имаше добра серија, и со водството од 5-6 гола, и беше полесно да се игра.

Знаевме дека не очекува добар меч. Последните две години не победивме во Скопје. Беше тешко, бидејќи сега не очекува пазуа, и малку повеќе размилсуваме на одмор во мислите.