Актуелниот првак на СЕХА ГСС лигата, Вардар ја почнува новата 2015 година со дуел против Мешков Брест (20,15 часот СЦ Јане Сандански), на натпревар што за двата тима има големо значење. Македонскиот тим очекува потврда на добрата форма и осигурување и теоретски место на Ф4 турнирот на СЕХА ГСС лигата. На Мешков Брест му требаат бодови, за да остане во трка за едно првите места што носат на завршниот турнир. Во следните два месеци, двата тима ги очекуваат решавачки натпревари во СЕХА лигата и ЕХФ Лигата на шампионите.

Во двете екипи имаше повеќе репрезентативци што настапуваа на последното СП во Катар, па тимовите имаа малку време за заеднички тренинзи. На првиот меѓусебен натпревар сезонава во Белорусија победија домаќините со 30-22.

За двата тима исто така важно е, и да ја темпираат формата за последните две кола од ЕХФ Лигата на шампионите. Мешков се надева на пласман во осминафиналето, а Вардар се бори за подобар пласман, односно освојување на второто место во групата.

Тренерот на Вардар најави дека во последен момент ќе реши со кој состав ќе настапи, зашто очекува да види во каква состојба ќе бидат играчите што последни се приклучија на тимот, а настапија на СП во Катар.

 Раул Гонзалез - тренер на Вардар

Ова е наш прв натпревар по СП во Катар. Имавме неколку ракометари таму, и само неколку дена за заеднички тренинг пред дуелот со Мешков Брест. За среќа, немаме повредени играчи. Во моментов сме во добра позиција, на второто место на табелата и нашата цел е да продолжиме со истата форма и да обезбедиме место на Ф4 турнирот. Мешков Брест е добар тим, играат силна одбрана, но истотака се опасни и во контра напад. Кога игравме против нив последен пат, имаа два добри играчи, Манојловиќ и Стојковиќ. Ако имаме добар пристап на играта, ќе победиме, а ова е добар тест за нас, пред важниот натпревар во ЕХФ Лигата на шампионите против Монпелје.

 Филип Лазаров - играч на Вардар

Утре ќе го играме првиот натпревар по СП во Катар. Некои од играчите се уморни, но и гостите имаат слични проблеми, бидејќи и дел од нивните играчи беа во Катар. Мораме да дадеме се од себе, бидејќи се бориме за место на Ф4 турнирот. Исто така мораме да бидеме претпазливи дека и тие играат во ЕХФ Лигата на шампионите. Ова е добар тест за нас пред вториот дел од Лигата на шампионите.

 Жељко Бабиќ - тренер на Мешков

За несреќа, многу репрезентативци се вратија од СП со повреди. Бабичев и Шпилер нема да можат да ни помогнат во Скопје. Максим Баранов има проблеми со коленото, а исто така и Сергеј Шилович е повреден. Успеавме да имаме неколку заеднички тренинзи. Во Скопје ќе играме против Вардар, и тоа ќе биде тежок натпревар. Но, ќе се бориме до последните секунди.

 Вјачеслав Шумак - играч на Мешков

Овој дуел е важен за нас за следните настапи во СЕХА лигата. Победа би ни помогнала да бидеме поблиску до Ф4 турнирот. Многу добро ја знаеме силата на ривалот. Долго време неможевме да тренираме заедно. Но, и Вардар е во слична ситуација. Мислам дека шансите за успех се подеднакви за двата тима.